Putesse Essere Allero

E dimme quacche cosa, nun me lascia' accussì

Stasera sto sballato, che voglia 'e parti'

Co' ddoje parole 'mmocca e tanta semplicità

Putesse essere allero

E dimme quacche cosa, nun me lascia' accussì

'O viento sta passando e je 'o voglio senti'

Affondo 'e mani dint'a terra e cerco 'e nun guarda'

E nun me pare 'o vero

Putesse essere allero e m'alluccano dint'e 'recchie

E je me sento viecchio

Putesse essere allero cu' mia figlia 'mbraccio

Che me tocca 'a faccia e nun me' fa guarda'

E dimme quacche cosa, nun me lascia' accussì

Me sento nu criaturo ca nun po' fa' pipì

Vulesse arrubba' senza me fa' vede'

Tutt'e facce d'a ggente

E dimme quacche cosa, nun me lascia' accussì

'O viento è già passato, nun pozzo cchiù senti'

E m'ha rimasto 'n cuollo l'addore d'o magna'

E nu poco 'e mare

Putesse essere allero cu' nu spinello 'mmocca

Ch'e mmane dint'a sacca

Putesse essere allero cu' 'na parola sola

Ca me desse calore senza me fa' sunna'

Putesse essere allero e m'alluccano 'int'e recchie

E je me sento viecchio

Putesse essere allero cu' 'na parola sola

Ca me desse calore senza me fa' sunna'

E dimme quacche cosa, nun me lascia' accussì

Me sento nu criaturo ca nun po' fa' pipì

Vulesse arrubba' senza me fa' vede'

Tutt'e facce d'a ggente

E dimme quacche cosa, nun me lascia' accussì

'O viento è già passato, nun pozzo cchiù senti'

E m'ha rimasto 'n cuollo l'addore d'o magna'

E nu poco 'e mare

Putesse essere allero cu' nu spinello 'mmocca

Ch'e mmane dint'a sacca

Putesse essere allero cu' mia figlia 'mbraccio

Che me tocca 'a faccia e nun me' fa guarda'