Inna Mi Yard

Dung ah Babylon

Bun a fyah, man

Wah mi tell yuh seh?

Yute haffi stand strong dung ah Babylon

Yah hear mi?

Papa seh dat

Dutty Babylon, yuh know yuh wrong-wrong

Full up ah deceit and corruption-tion

Ah Papa pon di microphone stand-stand

Dig out yuh ears and listen, mi man

Mi seh mi deh inna mi yaad, mi dah drink cerasee

Mi deh inna mi yaad, mi dah drink cerasee

And ah eat di one-day-old rice and peas

Di plate pon mi lap, mi ah relax pon settee

A newsflash start pon mi Sony TV

Reporter ah talk bout a fatality

Commit by police inna one community

Dem target a yute, fyah dem artillery

Assassinate him, nuh waan di public fi see

Him neva have nuh gun but him did have a family

Suh dutty Babylon fabricate a story

Suh dem treat ghetto yute inna di innercity

Well, news spread fast tru di community

Quicker dan di "ping" pon yuh Blackberry

Yutes start assemble like army

From crew to clique and from clique to posse

Mi deh inna mi yaad, mi ah drink cerasee

Mi deh inna mi yaad, just ah drink cerasee

Di riot ah pop off and a pure anarchy

Yute ah stone police and ah bun property

Cah Babylon going down just like a shipwreck

Or a 747 big iron jumbo jet

Di pilot ah panic and di wol crew ah fret

While passenger ah scream, "Mi nuh waan fi dead yet!"

As di heat rise, more dem start sweat

More side nuh come fi powder nor pet

Fi di innocent life weh di wicked dem tek

Jah fyah a guh hotta dan ah Haley's Comet

All ah billion fyah truck cyaan put di fyah out

One bagga lie politician dem ah spout

Dem fi use toilet paper fi wipe off dem mouth

Fi di crocus bagga bullshit weh always come out

Not one party deserve we vote

Bankers get a bonus fi sniff more coke

Dem seh, "Wi all in dis together", now dat's a bloody joke

Hang dem from a tree wid a short piece ah rope

Mi deh inna mi yaad, mi dah drink cerasee

Mi deh inna mi yaad, just ah drink cerasee

And ah eat di one-day-old rice and peas

A plate pon mi lap, mi ah relax pon settee

A newsflash start pon mi Sony TV

Reporter ah talk bout a fatality

Commit by police inna one community

Dem target a yute, fyah dem artillery

Assassinate him, nuh waan di public fi see

Him neva have nuh gun but him did have a family

Suh dutty Babylon fabricate a story

Suh dem treat ghetto yute inna di innercity

Mi deh inna mi yaad, mi dah drink cerasee

Mi deh inna mi yaad, mi dah drink cerasee

Mi deh inna mi yaad and ah drink cerasee

And ah eat di one-day-old rice and peas

Dutty Babylon, yuh know yuh wrong-wrong

Full up ah deceit and corruption-tion

Ah Papa pon di microphone stand-stand

Yah, yuh know dat

Di truth Rastafari

Bless