Era de maggio

Era de maggio e te cadean' 'nzin'

A schiocche a schiocche, le cerase rosse

Fresca era l'aria, e tutto lu ciardino

Addurava de rose a ciento passe

Era de maggio, io no, nun mme ne scordo

'Na canzone cantavemo a doje voce

Chiù tiempo passa e chiù mme n'arricordo

Fresca era ll'aria e la canzona doce

E diceva: "Core, core! core mio, luntano vaje"

"Tu me lasse e io conto ll'ore, chissà quanno turnarraje?"

Rispunnev'io: "Turnarraggio quanno tornano li rrose"

"Si 'stu sciore torna a maggio"

"Pure a maggio io stongo cca'"

"Si 'stu sciore torna a maggio"

"Pure a maggio io stongo cca'"

E so' turnato e mo, comm'a 'na vota

Cantammo 'nzieme la canzone antica

Passa lu tiempo e lu munno s'avota

Ma l'ammore vero no, nun vota vic'

De te, bellezza mia, mme 'nnammuraje

Si t'arricuorde, 'nnanze a la funtana

Ll'acqua llá dinto, nun se secca maje

'E ferita d'ammore nun se sana

Nun se sana, ca sanata

Si se fosse, gioia mia

'Mmiez'a st'aria 'mbarzamata

A guardarte io nun starría

E te dico: "Core, core'"

"Core mio, turnato io so'"

"Torna maggio e torna 'ammore"

"Fa' de me chello che vuo'"

"Torna maggio e torna 'ammore"

"Fa' de me chello che vuo'"