Test The High Power

Now hear dis!

Soundbwoy a push up yuh collah man remembah

But mek me jus brush off me sleeve man

One hundred stripe and one more

Original kills w-w-w-watch yah man

Yuh shud a did die fore yuh reach di session

Fore yuh test di high power

Soundbwoy yah hear mi?

Yuh shud a did die fore yuh reach di session

A dis yah Gargon sound in yah

Yah hear mi?

Wen I was a little stereo

I listen to some Champion

I always wondah

Wen I will be di numbah one?

Now yuh listen to di Gargon

And a Gargon sound a reign

And any drum pan come test me

Mi a guh lick out dem brain

Suh soundbwoy

Yuh shud a did die a di dance gate yah now

Bout yuh a test di high powah

Yuh shud a did die fore yuh reach di session

Cah yuh know me a di danger

Mi tell unnu champion, champion

Tell dem dis yah sound yah, it a champion

Mi charge fi murdah one, murdah one

But nuh judge nah try becah mi mmm

Mi tell unnu murdah one, murdah one

Tell dem dis yah sound charge fi

Yuh know mi nuh know weh dis yah drum pan sound come from

A talk bout him waan fi test di Don Gargon

Yuh si di selektah, him doh worth a damn

Mi a guh tell unnu why, him nuh fi play inna session

Yuh know wen wi draw Gregory Isaac yuh know man

Him tun fool, and hear weh him draw yute man

One old time song mi doh even membah dat one

Cah mi nuh know weh dem deh singah really come from

It sound like calypso and it sound like old time bangarang

Dem call him Mento, but mi nuh undastand

Him come in like dem old time, grey bearded, real old man

Weh come inna cowboy show, a mussi Western him galang

But unnu did, numbah one, numbah one

Tell di wol a dem seh, mek mi tell unnu sum'n

Di bwoy draw too, one chune mi nuh undastand bout

Him have gun, and him a guh shoot up man

Yuh know weh mi draw? Wen dem call in di Gargon

Hear di riddim and di song weh mi draw yuh know man

Nuh Dennis Brown chune, unnu hear a which one

"Love and hate cud neva be fren" yuh shud a hear di response

Wen di people dem jump up, nearly bruk dem han

Bad bwoy clean dem gun, yuh shud a see police man start to lick shot

Shoot off ackee off a tree yuh know man

And shoot dung one pigeon kill him, him drop straight inna di session

Pon di top a one man head and nearly kill one Rastaman

Cah dis is a, champion, champion

Doh ramp wid mi sound bwoy, me a champion

Yuh think a wen unnu used to play some kyahliss song

And mek mi gwaan some derogatory way unnu undastand?

But now, mi get like a decent one

Mi nah fi chat nuh badwud fi kill unnu, living old pan

Mi know how fi teach, right from wrong

Mi know how hare from bullfoot, mi a nuh loggahead man

Suh from yuh hear dis yah sound and see dem yah selektah man

Yuh know, from yuh look pon di DJ man

From yuh hear di bassline yuh know wi qualification

Suppose yuh hear di top-end? Wat a melody Jah man

From yuh listen to fiwi riddim section

Yuh know seh dis yah sound yah, it a guh be di Gargon

Mi tell unnu, numbah one, numbah one

Wi wi lick yuh pon unnu head cah wi, watch yah

Yuh see wen dem draw di yute name Shabba Rankin song

Yuh know Shabba Rankin is a very dangerous man

Him tell it to each and every ooman di way how dem mus hangle man

And den wen dem guh dung inna style and fashion

Mi a guh tell yuh which chune dem draw fi Shabba Rankin yuh know man

Man wanted dem haffi pay dung Jah man

Unnu shud a see, wen my selektah guh dung inna style and fashion

Draw one next Shabba Rankin unnu neva undastand