Luna Caprese

Ohéee!

Cu me cantate 'sta canzone

Vuje ca suffrite 'e ppene de ll'ammore

Capre ve po' 'ncantá cu 'na parola

Só accumparute 'e stelle a primma sera

Tutta Tragára luce 'mmiez'ô mare

'Na fascia 'argiento sott'ê Faragliune

E nu mistero 'int'a 'sta notte chiara

Notte 'e silenzio e i', mo', chesta canzone

Cantá vulesse a chi mm'ha affatturato

Tu, luna, luna, tu, luna caprese

Ca faje sunná ll'ammore a 'e 'nnammurate

Adduorme a nénna mia, ca sta scetata

E falla 'nnammurá cu 'na buscía

Tu, luna, luna, tu, luna busciarda

Famme passá 'sti ppene 'e gelusia

E fa' ca nénna fosse tutt' 'a mia

Tu, luna, luna tu, luna caprese!

E fa' ca nénna fosse tutt' 'a mia

Tu, luna, luna tu, luna caprese

Ohéee

Cu me cantate 'sta canzone

Vuje ca suffrite 'e ppene de ll'ammore

Capre ve po' 'ncantá cu 'na parola