Jö Schau

Neilich sitz i umma hoiba zwa im Hawelka

Bei a poa Wuchteln und bei an Bier

Auf amoi gibts beim Eingang vuan an Mordstrara

Weu a Nackerter kummt eine bei der Tür

Da oide Hawelka sagt: "Suach ma an Plotz"

Owa sie macht an Batzn Bahö

Weu sie mant, dass sowas do net geht

Und er soll si schleich'n, aber schnö

Jö schau, so a Sau, Jassas na

Wos macht a Nackerter im Hawelka?

Geh wui, oiso pfui, meiner Söh

Hörst i schenierat mi an seiner Stöh

Aner ruaft: "Ein Wahnsinn!

Gebts eahm wos zum Anziehn!"

Doch sei Freindin meint: "Geh fesch

Endlich aner ohne Wäsch!"

Jö schau, so a Sau, Jassas na

Wos macht a Nackerter im Hawelka?

Der Ober Fritz sogt: "Wir sind hier ein Stadtcafé

Und wos sie do machen, is a Schweinerei"

Ein oida Schauspieler mant wiederum: "Aber geh!

Oiso, i find do gar nix dabei"

Drauf sogt der Nackerte: "Moment! Moment!

Sie wissen wohl net, wer ich bin

A wann mi kaner kennt, i bin sehr prominent

Als elegantester Flitzer von Wien"

Jö schau, so a Sau, Jassas na

Wos macht a Nackerter im Hawelka?

Geh wui, oiso pfui, andrerseits

A so a Nackerter hot a sein Reiz

Moch ma hoit a Ausnahm

Sei ma heit net grausam

Weu ein Bohemien-Lokal

Pfeift auf Spiesbürgermoral

Jö schau, so a Sau, Jassas na

Wos macht a Nackerter im Hawelka?