ថ្ងៃអវសានតេជោតំឌិន

តេជោបង!

ម្ចាស់ដួងចិត្តជីវិតអូនអឺយ

ព្រាត់ហើយព្រាត់គ្មានវិលវិញ

អនិច្ចា ឱរាទោម្នេញ

អ៊ូយ! ឱរាទោម្នេញ

ហួសអឺយហួសចិត្តអើយ

ហួសគិត អូនយំមិនចេញ

ខ្លួនអូនវង្វេងអស់ហើយស្មារតី

ប្រុសពិសី ស្តីមួយម៉ាត់មក

ពន្លកកំពូលហឫទ័យ

ម្ដេចនៅស្ងៀម ម្តេចស្ងៀមមិនស្ដី

បង... បងមិនស្រដី

មិនអាសូរចិត្តអឺយ

មិនអា អាណិតរូបស្រី

ឬឱ្យអូនក្ស័យទៅតាមបងដែរ

តើឱ្យអូនរំពឹងលើអ្វី

ដូចរាត្រីគ្មានដួង ខែ

ងងឹតស្អិតទ្រូងម្ល៉េះទេ

អ៊ូយ! តឹងទ្រូងម្ល៉េះទេ

ឱ! ស្នេហ៍ខ្ញុំអឺយ

ម្តេចឡើយកម្មក្រាស់ខុសគេ

មានរូបខ្វះស្នេហ៍

រស់គ្មានខ្លឹមសារ

បងតេជោ ថ្លើមប្រម៉ាត់ចិត្ត

អាណិតបើកដួងនេត្រា

មើលអូនផង កំពុងសោកា

អ៊ូយ... កំពុងសោកា

បើមិនដូច្នោះអឺយ

អូនស៊ូដាច់ចិត្តប្រហារ

ជីពជន្ម ជីវ៉ា

តាមថ្លៃបងហើយ