Smartfon

Bir nəfər tələm-tələsik, mənzilin yiyəsi

Səhər tezdən gedir işə, məlum ki, var beləsi

İşığı söndürüb, qazı kəsib, düzdür, lakin

Smartfonu evdə qoyub çıxır çölə sakin

Bilərək saxlayır evdə rabitə vasitəsini

İstəmir bildiriş, “alarm”, zəng, SMS səsini

O, sərbəstdir, nəhayət, həyatda qayət hüzur

Evdə qalan telefon cavabsızları yazır

Müasir bir telefon dünənin nağılı

Özümüz ağıllanmayıb etdik onu ağıllı

İndi onun xəbəri var borc və kreditdən

Xəbərdar proqnozdan, səhiyyə, səyahətdən

“Beat”lərdən qoy, deyir o rep bədahətən

Bir şifrə yaz və götür onun sədaqətin

Balaca oyuncaq, amma böyük müştərilər

Nə deyərlər məhəllədə, nə deyər üstdəkilər?