Wos i nit bin

WOS I NIT BIN

de Sunn scheint in dei G’sicht

vo då wo du stehst, håt ma de beste Sicht

es håt scho wer so woin,

dass mia zwoa, vom söb’m Ståmm foin

månchmoi bist du gråd und koit

i hob mi oft g’schamt, wånn i z’nåh zu dir woit

und ah wånn i ah nu so wenig woaß, vo wås du red‘st

i dat des ois versteh, wånn du des megst

wånn du des megst

und ah wånn i da nu wås geb’m kinnt

i gab da ois, wånn du des megst

wånn du des megst

du bist so vü, wos i nit bin

du håst so schene Aug’n

i woit oiwei, so wia du ausschau

da Fleiß håt a sein Preis

du oawatst so vü, dass sunst nu wenig Zeit bleib

und wånn uns koa weg mehr verbind‘t

i woat im Tål, in dem de Låmmer durchrinnt

und ah wånn i ah nu so wenig woaß, vo wås du red‘st

i dat des ois versteh, wånn du des megst

wånn du des megst

und ah wånn i da nu wås geb’m kinnt

i gab da ois, wånn du des megst

wånn du des megst

du bist so vü, wos i nit bin

du bist so vü, wos i nit bin