Cold Streets Pt.1

Cold cold streets, cold cold streets…yeah

Me know everybody wa live fi be a century

Ina dem place yah you lucky if you past 20 dawggg

Dem will send yo go morgue Dem will send yo go morgue yeah yeah

 Affi wise a watch eh step weh you a step an if you see you betta blind and if you hear yuh betta deaf oh lawd Hear wa gwan

20 year old just move back ina di scheme

Ga foreign fi couple years n now him just fly in

Make a likkle money an go buy a honda stream and dawg nobody no like that so a now dem start fi pree him yeah

Couple days pass now the don go see him

N him say wa gwan long time no see me G

Di don say things no good dawg cause some bwoy a try run in and me ago need a money from yo just fi buy some new machine

Rick say, no dawg  different me a pree him say me cya gi yo … Don seh weh di fuck yuh mean

Bwoy me wonda if yuh know a we a lock eh scheme … better pinch yo self because yo must inna dream yeah

Rick reply me not giving yo anything

Do weh yo wa… anything a anything

Di don say yo start sumn weh yuh cannot win

Better count yo days because it limited

Me know everybody wa live fi be a century

In a them place yah you lucky if you past 20 dawggg

Dem will send yo go morgue (send yo go morgue) yeah, yeah

 Better wise and watch eh step weh you a step and if you see you betta blind and if you hear yuh betta deaf oh lawd…. Hear wa gwan

With fear inna him heart Ricky run go tell him fren

Say the don wa money fi buy gun fi him ends

N if him don’t get it mount a ppl ago dead

Him fren say, ppl affi dead but anuh we a affi dem … yeah

Me know a dawg weh get some strap a sell lately

100 grand a one but me can talk him dung to 80

Pull up pon dem endz and den we show dem who a baby

A easy easy kill because dem careless

Rick say a di same ting me a try avoid

Me no wa fight fire wid fire

Rick fren say, dawg u affi protect yo life cause if dem wul yo gun alone cya save yo a nuh prayer

Cold cold street

Cold cold street

If yo say di wrong word den yo dome go leak or somebody yo know go bleed

Cold cold world

Cold cold world

Who don’t hear go learn

Yo see weh ma seh

So Ricky strap up wid a ting weh new

Ready fi go falla through

Nervous but him tell himself him av sumpn fi prove

Wait him just a wait fi dem go bundle up like callaloo but sumpn else a gwan weh him no know an him no have a clue

Ricky time is minimal, him tun round an see him bredren wid a strap in hand

Ready fi go buss in a him face an make a funeral

Ricky fren say bwoy yo shoulda know yo no fi disss eh don

Just true Ricky deevn know say dem done make a plan get him fi buy some gun and make sure dem army strong

If him na cooperate take weh everything him av before Ricky coulda get fi talk all him hear a  (gunshot)…

Ricky pon di grung a gap na feel no pain because him body still deh inna shock .. a choke in a him owna blood

 Slowly him eye a lock

Ricky fren gone afta him shot him wid him owna strap

Ricky covered inna red people a tell him Mada him not coming back …

Everybody a say Ricky dead

But Ricky eye dem open back