Manifest

Çəkilib incə hərə bir küncə

Çəkilib incə hərə bir küncə

Sınan güzgüyəm, dağılan duz

Odsuz tüstüyəm, əriyən buz

Düşən çəngələm, düşənə əngələm

Düşünür qələm hələ, düşünürəm, gələm

Fikir verirəm ki, çox fikir edirəm

Fikir verirəm ki, biri iki edirəm

Bəlkə fikirlərdə təkəm, fikirlərdə tək əl

Tikə-tikə quraq, təki verək yekə tikə

Deyiləm iki üz, iki sifət

İki isim, iki feil, iki sifət

İki göz, iki söz, ikili vəd

İki gün, iki gül, iki niyyət

Nə qədər eləsələr də filfilo

Sən salma lo, sən solma, ol

Sən olma sağ, sən olma sol

Biz olmasaq, bil, olmaz o

Elə ora qov, bura qov

Qova-qova elə bil ki bu da ov

Elə ona qon, buna qon

Qona-qona ona-buna, bu, nə son?!

Elə ora qaç, bura qaç

Qaça-qaça bağlı qapıları aç

Elə onu sanc, bunu sanc

Sancaqları taxa-taxa nə inanc?!

(Çəkilib incə hərə bir küncə)

Ədəbi dildir bu əbədi, bil

Əbədi dilsə su, dibi də lil

Dibi də lildirsə, bu da dəlil

Əsəbidirsə bu, bu da dəli

Hələ biz, hərəmiz, hərə bir iz

Hələ biz bir yana, hərə bir biz

Hələ biz, gərək ki, qərəzsiz

Hərəmizin gərəyimiz elə biz

Təmiz, heyrətamiz və bariz

Nümunəmiz var və varis

İbrətamiz, mübariz

Mübarizdən bizə qalan irs

Elə ora qov, bura qov

Qova-qova elə bil ki bu da ov

Elə ona qon, buna qon

Qona-qona ona-buna, bu, nə son?!

Elə ora qaç, bura qaç

Qaça-qaça bağlı qapıları aç

Elə onu sanc, bunu sanc

Sancaqları taxa-taxa nə inanc?!