莲师息灭病崇祈请文

ཨེ་མ་ཧོ།

འདི་ནས་ནུབ་ཕྱོགས་བདེ་ཆེན་ཞིང་ཁམས་སུ།།

སངས་རྒྱས་ཀུན་གྱི་རིགས་བདག་སྣང་མཐའ་ཡས།།

ཐུགས་ཀའི་ཧྲཱི༔ཡིག་འགྲོ་བའི་དོན་དུ་འཕྲོས།།

ཀོ་ཤའི་མཚོ་གླིང་པདྨའི་དབུས་སུ་བབས།།

སངས་རྒྱས་ཀུན་འདུས་པདྨ་འབྱུང་གནས་སྐུ།།

པདྨ་འབྱུང་གནས་སྐུ་ལ་གསོལ་བ་འདེབས།།

ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ།།

           

རླུང་མཁྲིས་བད་ཀན་འཁྲུགས་པའི་ནད་རིགས་དང།།

འགོ་བའི་ནད་རིགས་མ་ལུས་ཀུན་ཞི་ནས།།

ཕྱི་ནང་གསང་བའི་བར་ཆད་དབྱིངས་སུ་བཟློག།

བསམ་པ་མྱུར་དུ་འགྲུབ་པར་བྱིན་གྱིས་རློབས།།

ཨོཾ་ཨཱཿ ཧཱུྃ་བཛྲ་གུ་རུ་པདྨ་སིདྡྷི་ཧཱུྃ།།

ཅེས་པ་འདི་ཡང་མཁའ་འགྲོའི་བླ་མཚོ་གཡུའི་མཎྚལ་

ཅན་ནས་གདན་དྲངས་པའོ།།