'A vita mia

Oi Ma' che me guardate cu' ll'uocchie 'e spille

Perdite 'o tiempo appriesso 'a verità

Si me truvate ccà è pecchè so' 'nzisto

Nun dormo cchiù a furia 'e ce penzà

Ma addò songhe fujute 'e juorne nuoste?

Je quanno chiudo ll'uocchie 'e vveco ccà

Chi s'è arrubbato 'a vita mia?

Je so' turnato pe' m' 'a piglià

Cu' 'a faccia stanca 'e chi è partuto

Pe' scurdà

Tutt"e fantasmi 'e 'nu passato

Ca nun me fanno truvà pace

Oi Ma' che me guardate cu' ll'uocchie tristi

Fa 'a guerra chi nun tene 'e che magnà

È overo ca se nasce giudicato

Ma 'a trova 'a via chi se vò salvà

Addò songhe fernute 'e suonne nuoste?

Je quanno chiudo ll'uocchie 'e vveco ccà

Chi s'è arrubbato 'a vita mia?

Je so' turnato pe' m' 'a piglià

Cu' 'a faccia stanca 'e chi è partuto pe' scurdà

Tutt'e fantasmi 'e 'nu passato

Ca nun me fanno truvà pace

Chi s'è arrubbato 'a vita mia?

Je so' turnato pe' m' 'a piglià

Cu' 'a faccia strana 'e chi è partuto pe' scurdà

Tutt'e fantasmi 'e 'nu passato

Ca nun me fanno truvà pace