Blessings und Blessure

Sie kennt mini Blessings u Blessure

Lost mir zue, wenn i se ufzelle

Sie seit: Feelings sy Frisure

Sie weiss, Liebi isch e Duurwälle

Sie macht mini good hair days

Git mir e nöie mood, weni düreghei'

Weni nümme weiss

Was wotti ize

Nimmt sie mau d Spitze

När seit sie aube: Hör uf liire

Mängisch muess mes grad use säge

Nid immer so drum ume drum ume

Zum Haar schnide muess me Haar schnide

Drum heisst mi Lade o nid 'love is in the hair'

Sondern Coiffeursalon Lotti

God damn, i bi motti

Die nöie Haar im Fahrtwind vom Trotti

So viu Lüt, wo luege, dass i mi blib'

So viu Lüt, wo luege, dass i mi ändre

So lucky

Dass i ghäbt bi

No cap, zu däm, wotti Sorg ha

Sie seit, mängisch muess me losla

Das chönnt so ga

Das chönnt so ga

Jedes Mau, we ds Härz e Schlag ussetzt

Jedes Mau, weni aus in Slo Mo gseh

We ds Vertroue us dr Tür schliicht

Zelli mini Blessings

Zelli mini Blessings u Blessure

 

I cha zahle fürne Frise

Aber nid fürne Hand i dr Krise

Es git ke Usegäld uf: I los' zue und i bi für di da, we du mi bruchsch

E Vokuhila mi Blues: I meine immer är isch furt, när chunnt är wieder zrüg

Leit mir e Arm um Schultere u seit:

I verla di nie ganz, weisch, i bi di Fründ

I weiss, dass i nid elei bi

O wenn nümme alli hie sy

Mini loved ones fülle mis Härz uf

U was voll isch, cha nid nume liecht sy

U öper enttüüsche

Heisst o öper nümme tüüsche

U we öpis nümme passt

Muessme vilech öpis tuusche

Irgendöpis ändre

Vilech eifach ig mi

Jedes Mau, we ds Härz e Schlag ussetzt

Jedes Mau, weni aus in Slo Mo gseh

We ds Vertroue us dr Tür schliicht

Zelli mini Blessings

Zelli mini Blessings u Blessure

Blessings u Blessure