Lyrics
Verse 1:
aaj fir khayaal aya mujhe fande se latakne ka
mein chahu mile na iss baar mujhe koi mauka bahatakne ka
mene dhyan se likhi jo gyaan ki baato ko
karo tum andekha
fir maut ke bad meri kehna sabhi se “jigra tha bande ka”
kama ke de rha hu papa ko peso ki kami nahi hai
mein khush hu meri wjh se unki ankho mein nami nhi hai
gaane banate rehna ek zimmedari poora harbaar krenge
agar chodh di kalam maa kasam deewane barbaad marenge
meri maa ko kaun samjhaye sapno ke liye ghar chodhna laazmi hai
uska raja beta choti umar mein hi dimag se aadmi hai
zeher peeta hu par ugalta nahi, ye hi meri khaas baat hai, zindagi meri raaz baat hai
ladka uska barbaad nahi hai
Chorus:
kis se tu, bhaage hai yuh?
koi na, tere rubaroo,
saaye se durr, jeena sukoon
marr ke bhi, waisa fitoor
Verse 2:
sirf ek ladki ko dil se pyar kiya baaki toh jismo se khela hu, mein galat hu mein maanta hu par mein jaanta hu mein kitna jhela hu
rishte mohobbat ke ya khoon ke, jo mera hqi ya toh vo gya hai ya mara hai? mujhe khudse nahi mohobbat shayad isliye mein aaj bhi khada hai
chote bhai ki chita ko aag dekar aaya hu
mein firse ghar lauta aur ghumo ko apne sath laya hu
badnaseebi meri hai ya mein badnaseebi ka
mene ummeed jaga di hosla dekar
jala di chita unki aur badle mein raakh laya hu
siyaahi meri khoon ki ho toh 7 janam lag jayege
fir bhi nahi zakham jayege
log darr jayege
jal ghar jayege
bas mera ho toh
sabhi ki maut mere naam karlu
aur dedu badle mein nayi zindagi
jisse vo nikhar jayege
but the thing is
mein bhagwan toh nahi
mujhse dehshat ki ummeede rakhe
mein shaitan toh nahi
kya mein tha ladka farishta
ya fir mehez ke zariya hu
meri qala mujhe yaad dilati rahe
mein aam insaan toh nhi
Written by: Sourabh Sharma
