Dja Bu Cumi Oxi

Tudo alguen ten ki kumpri si parti

Tenta partilha e ser grato

Maz ten alguen ki ta kumpra bu parti

E ta bendi barato

(Ben li rapazinhu)

Flan si dja bu cumi oxi

Nhos ka ta para pa pergunta

Flan si dja-

Txeka

Um portugues dja kre diskuti ku mi na K'au Verdi

Eh kre falan di skravatura di um forma diferenti

Flan kual des ki ten maz fomi, bu corpo ou bu menti

Ko fazi nha kabesa kenta, n'ta kema bu frente

Sima um padaria portuguesa, rapaz kre pon kenti

Nu passa ben, nu passa mal, na passado recenti

Kel rotxa la na mei di mar poh nha povo diferenti

Kuatu homi dentu boti, ta busca um korenti

Ki ta lebaz pa algum kardumu di baxu sol kenti

Nha povo ten um monti cara, nha som eh vicenti

Padroero di Lisboa pa kenha ke crente

Ez ata pidi pa n'ka para, nha som eh viciante

Água ta eskori na nha rostu, sabor eh salgadu

Tem mesmo gostu ki agu mar, noz mar eh txoradu

Ami n'ten alma di um poeta, nha txoru eh kantadu

Ta pon ta xinti moh pantera, regresso di Orlando

Primeru bez ki n'bah K'au Verdi n'fica apaixonado

Paradu t'odja por di sol cor di rosa, dourado

N'ta xinti sima ki nhor Deus sta xintado nha lado

Olhar fixado na horizonte, ta pinta si quadro

Ez scodji um cor ki ka ten nomi, ti oji ka dado

Sima um kriansa ki parido maz ka registado

Ka ten futuro colorido pa noz rezerbadu

Ninhun des ka skodji ser bandidu ou ser abandonadu

Tudo alguen ten ki kumpri si parti

Tenta partilha e ser grato

Maz ten alguen ki ta kumpra bu parti

E ta bendi barato

(Ben li rapazinho)

Flan si dja bu cumi oxi

Nhos ka ta para pa pergunta

Flan si dja bu cumi oxi

Natureza e ekilibriu num mundo bizarro

Eh ta kontisi tudu dia na mesma, el eh raro

Sima arku da bedja, sima um noti estrelado

Praia Maria, Tarrafal, nhos leban Santo Amaro

Leban pa fogo Santo Anton-, preto ku odjo claro

Tudo raça di universo na noz misturado

E kuandu n'aterra na Mindelu num jato privado

Só di imagina mah um dia n'foi pobre, coitado

Mi n'kre odjan putus di noz guetto ta invadi merkadu

Kuantidadi di talento na beku spadjadu

Cada skina ten um Tupac, um Picasso ou um Ronaldo

**** konta-n me tinha um sonho ki ténpu assassina

Eh fla ma eh ta studaba pa tra medicina

Bom studanti, nota altu em qualquer disciplina

Ku gana studa undi dinhero pa paga propina

Eh larga escola, squeci sonho e konxi cocaina

Gossi eh apenas maz um **** sem alma na skina

Da kassubody na um beco ku txero di urina

Preso na um ciclo ki ka ta termina

Si menti bira um planta ki ka ta germina

Kel ki ka aprendi na escola, kadia ta inxina

Si mãe sta li na tuga, ta fazi faxina

Si pai inda sta bibo maz fora di cena

Dal documento di registo mah nunca ka assina

Tudo alguen ten ki kumpri si parti

Tenta partilha e ser grato

Maz ten alguen ki ta kumpra bu parti

E ta bendi barato

(Ben li rapazinho)

Flan si dja bu cumi oxi

Nhos ka ta para pa pergunta

Flan si dja bu cumi oxi

Maz eh ka só na Kabu Verdi, eh na tudo kau

Nu ka podi foka apenas na um lado mau

Globalizason di bakandeza, um kusa berdadero

Um sonho americano, um sonho brasileiro

Izisti maz di ki um caminho pa arranja dinheiro

Mah nu ta pensa só na droga ku crime em primeiro

Ka bali pena kati kati pa bah cativeiro

Funeral sem bu familia, só bo ku coveiro

Xam flau um kusa doloroso maz txeu verdadeiro

Na verdade ez interrau só pa ka spadja txero

Ta sabedo bo eh kenha na dia bu enterro

Si bu partida eh um alivio, pa noz desespero

Arguen ki ka ta kontribui eh maz fazi esquecedo

Scodji moh ku kre lembrado ku gradi, cuidado

Nunca n'ka odja statua di um homi cobardo

Si bu kre vivi sima um burro, carrega bu fardo

Ko fazi merda po ben fla mah oto arguen ki eh culpado

Poh inteligente ho'ki 'u ta fala, bu eh um genio calado

Si bu kre fama, prioridade sta tudo trocado

N'curti putos ki ta rappa ku rostu tapado

Talvez ez ta bu lado na supermercado

N'ta daba tudo keh pa n'podi passia sossegado

Ku nha bolso cheio di nota maz sem ser notado

Biggie

Tudo alguen ten ki kumpri si parti

Tenta partilha e ser grato

Maz ten alguen ki ta kumpra bu parti

E ta bendi barato

(Ben li rapazinho)

Flan si dja bu cumi oxi

Nhos ka ta para pa pergunta

Flan si dja bu cumi oxi