Jimat

Loba néangan dulur

Boga kaweruh nu luhur

(Bobot pangayom)

Teu poék néangan jalur

(Timbang taraju)

Bisa ngariksa diri

Sangkan hirupna mandiri

(Asak rampa)

Teguh boga jati diri

Teu kabawa sakaba-kaba

Ngalayang katebak angin

(Cakakak di leuweung, injuk talina)

Ngangkleung ti hilir ka girang

(Dihakan dibeuweung, hitut jadina)

Teu boga jimat nu jadi pamuntangan

Leumpeuh papalidan

Nété tarajé, nincak hambalan

Caringcing pageuh kancing, saringset pageuh iket

Kalakuan pagiri-giri calik, pagirang-girang tampaian

Teu unggut kalinguan, teu gedag kaanginan

Tunggul diparud, catang dirumpag

Ngeduk cikur kedah mihatur, nyokél jahé kedah micarék

Ngalayang katebak angin

(Cakakak di leuweung, injuk talina)

Ngangkleung ti hilir ka girang

(Dihakan dibeuweung, hitut jadina)

Nu ngaran hirup di dunya mah ngumbara

Nyimpang kur saliwat