Só Deus

HELIO BATALHA - SÓ DEUS Feat Paulinha

Desde 2007 na terrenu

Batalha nunca para Ya cu força dum guerreiro

Palavra de ordem tudo palco tudo show

Cada rima cada verso sai de peto verdadeiro ke pá labantau

Nu leba Guetto zona ponta te Macau

Nu mostra mundo realidade ki tá condenau

Inxina putos ma verdade é complicado ignorado,camuflado,subjugado ma é tá libertau

I nha missom e pá eleva

Cada sesom nu coba txom pa simentera

Infornasom na vila nova i calbicera

Pergunta doggsom na lem ferera

Nu leba stado nos nasom te Ribulera

I cá tem raper pá pegam se nu celera

Ma nunca foi compitisom sempre foi celebra

Celebra noz imortalidade

I Nha Poisia salva putos pergunta Nha cidade

I hoje rap é bombas dento me

Circula mo kamikazi

Nha baby ta txomam zumbi

Nha carera caba canto bes

Nreza pá enimis

Nhas fidjos hoje teni 9 mês tá Dam só gana ri

Ma só Deus pá tram de li

Nta continua tá propaga energi pá sociedade

Kabral dento mi

Português fazi bom trabadjo li

Na cada skina um colono , na tudo zona um pijiguiti

Umde Kel Hélio d outrora

Umde Poisias puru potente ki bu elabora

Umde kes golpes, kartaz, discursos tipo samora

Umde Kel Jorge ki habita na linhas profundo de tudo obra

Umde Kel Hélio de outrora

E sã pa li tá lida tá libra de munti cobra

Pamo talento txeu preto kre odjam na coba

Escre pam grita Revu se n na Kadia um dia claro e mi ki coca

Pergunta Amadeus, umde tudo kes ateus

Na hora bronca bu Sta bo só cá tem kureus

Moda crianças na palenstina tá fla aDeus

Em vão po senhor tá obi só kes judeus

Ma n screbi manifestos

Muda forma luta contra mal afetos

Hoje nte munti fetos

Nhas rimas e simples mo Dexam bua pamo bua na meio de águias e abutres nha broda sã txeu complexo

Refrão

O ki mundo tenta pintxau

Fitxa odju fla ma Deus tá labantau

Pecadores tá crê condenai

Ma só Deus ki tem Kel força pá julgau

És tenta

Ma dentu di me sabá Kel força de amor tá rabenta

Nem pá cá tenta

És tenta

Ma és skeci ma Kel li Deus da

Enimigos cá podi incomenda

 

Ma nta continua tá alimenta gueto

I nha missom é leba voz profundo pá tudo preto

Nta lembra de mamadu nha Peto tá fica ketu

Ma nha garganta tá grita ku dicas só papu reto

Papo de caro ma nha visom era ultramar

Nhas rimas caro cá tem valor nem 2 lugar

Era autocarro, po discurso ca singular

Ma se n dixe lá nhos nível pá ano nta abri um rentacar

Era complicado kes dias de indiferença

Canto dúvidas eleva frieza crê mata um poeta

Nada riba mesa cu vontade salva mundo

Mundo cu gana ratxa kes nos carta mas profundo

Era complicado ma nada é ka impossível

O ki no é abensuado kes barrera é só fusível

Pá nu luz encandeia ces saliva é combustivel

Obrigado tudo nhos ki torna es ano incrível

Refrão

O ki mundo tenta pintxau

Fitxa odju fla ma Deus tá labantau

Pecadores tá crê condenai

Ma só Deus ki tem Kel força pá julgau

És tenta

Ma dentu di me sabá Kel força de amor tá rabenta

Nem pá cá tenta

És tenta

Ma és skeci ma Kel li Deus da

Enimigos cá podi incomenda