Oogwink

Geluk is 'n oomblik

En dan vir eers verby

Die hartseer maak wonde

Dit sing soos 'n harlekyn

Alles kom tot niks

Maar jys steeds hier

Jy met jou halwe lyf

Jy 'n haglike dier

Jou oë toegesluit

'n Glimlag teen die vuur

As ek doodgaan in my slaap

Hou my vas wanneer ek gaan

Dit is alles oor in 'n oogwink

Maar eks nog wakker so verstaan

Ek is in my eie wentelbaan

En niks kan my keer nie

Ek wil net wees

Laat my net wees

Jou ma word ouer

En jy verkluim met tyd

Jy klou vas aan jou sorge

En aanbid 'n halwe feit

Alles kom tot niks

Maar jy's steeds hier

Jy met jou halwe brein

Jy 'n algemene dier

Maar wie kan jou keer

Wie gaan jou teë

Wanneer jy net wil wees

Wanneer jy jouself vergeef

As ek doodgaan in my slaap

Hou my vas wanneer ek gaan

Dit is alles oor in 'n oogwink

Maar ek's nog wakker so verstaan

Ek is in my eie wentelbaan

En niks kan my keer nie

Ek wil net wees

Laat my net wees

Ek wil net wees

Ek gaan net wees

Ek gaan net wees

Die somer kom en gaan

Die berge met tyd verteer

Jou drome word verpant

Vir 'n huis en 'n koue bier