Serotonien

Engel dit word laat

Kom jy kan in my arms verder slaap

En al's jou drome nors

Sal ek jou verskuil in my arms

Teen my bors en jou verlos

Liefde ek maak tee

Suiker met die sakkie in ek weet

Ken jou te goed jy mors

Maar ek sal regstaan met 'n warm stort vir ons

Ek sweer

Jy maak my stil

n Serotonien aanvulvitamien

Stil, met die kosmiese tower

Wat ek in jou sien

Engel kyk die sonopkoms

Hy knipoog bo die horizon

Jy dubbelknoop aan my sy

Betower deur skakerings van die oggendson wat skyn

Liefde kan ons swaai

Weumel deur die winterswind-lawaai

Ek's veilig as ek vlieg

Ekstaties om op skaterlag simfoniee te wieg

Jy maak my stil

n Serotonien aanvulvitamien

Stil, met die kosmiese tower

Wat ek in jou sien

Liefde sien jou weer, ek sweer

Ek sal jou nog sonsakke gee

Jy't siel gesien in my

Ek bid die grond lei my waar my voete jou weer kry