BUNTONG HININGA

Chorus

Buntong hininga

Sungkitin ang mga tala

Sinasabing kayang-kaya

Pero minsan nangingibaba

Buntong hininga

Abutin ang mga tala

Sinasabing kayang-kaya

Pero asan na nga ba

Verse 1

Gabi-gabi kausap ang sarili at daming tanong

Mga boses naririnig kaliwa't kanan bumubulong

Hindi malaman-laman kung hanggang saan to hahantong

Mga dating payo sa sarili ay nagtutong

Sinubukan ko naman lahat pero ba’t ganon

Pinatagpi-tagpi ang mga butas ng pantalon

Isip palabas, ngunit sarili’y nakakahon

Pakiramadam napag-iwanan na ng panahon

Pighati di madaan sa tulog ng ganoon-ganoon

Kahit na anong sikat ng araw, minsan aambon

Bumibigat nagtipon-tipon, halo-halong emosyon

Natatawa, naiinis, sumisigaw nalamang don

Sa tuwing pinipilit na maka-angat

Minsan ang malas sakin ay kumakagat

Ilang beses narin akong napupuyat

Ngunit patuloy parin ako na nagsusulat

Chorus

Buntong hininga

Sungkitin ang mga tala

Sinasabing kayang-kaya

Pero minsan nangingibaba

Buntong hininga

Abutin ang mga tala

Sinasabing kayang-kaya

Pero asan na nga ba

Verse 2

Minsan di maiwasan ang pananaw ko’y kumikitid

Sari-saring panaginip

Daming tanong mga mikroponong nakapaligid

Diwa’y mga naka rehas at di matahimik

Mga gabi palaging nakatulala

Sing-init ng dalampasigan ang mga mata

Iniisip ko kung pano ko ito matsatsaga

Kadalasan di maiwasan maligaw at mangapa

Sinasabi sa sarili na natuto na

Pero bakit ba ganun patuloy parin nadadapa

Lakas loob pahunan ko ngunit minsan di totoo

Nauulol, ang utak ko ay dinadaga

Na para bang nababaliw sa sulok

Ginugulok ang sarili, mga tinik na nakatusok

Dahil doon nalaman ko, hindi lahat ay kaya ko

Tatahakin kahit makapal ang usok