Hü

Mir liege z' zwöit im Zimmer

Mi dünkt 's mir sige drüü

Dr Dritt liegt so wie immer

Blutt uf em Schaft obe u rüeft: Hü!

U är roukt e Zigarette

U grinst mi us mit fiese Zähn

Sie treit es Lächle uf de Lippe

I wott nid wüsse wäge wäm

Är gseht us wie ihre Exmaa

Dä isch vor öppe drü Jahr gstorbe

E miese Spieler un' e Froueheud

Ständig am suuffe u am überborde

U jitz hockt 'r uf däm Schaft obe

U massiert sech sini Glänk

Sie treit es Lächle uf de Lippe

I wott nid wüsse was sie dänkt

Sie treit es Lächle uf de Lippe

I wott nid wüsse was sie dänkt

Mir liege z' zwöit im Zimmer

D' Nachttischlämpli gglösche

I liege linggs u sie liegt rächts

Är äuä irgendwo drzwüsche

Mi het sie gärn das weiss i

U ihn fingt sie gloub e Geile

I ha langsam ds Gfüeu we se wott bhaute

Muess i' se mit däm Tubu teile

Mir liege z' zwöit im Zimmer

Mi dünkt 's mir sige drüü

Dr Dritt liegt wieder so wie immer

Blutt uf em Schaft obe u rüeft: Hü!