Glück und Zfriedäheit

Was wischt mä eim wo awis het

Säg miär was ihm nu wischä wetsch

Är brücht weiss Gott, keis Goud und Gäud

Nei, das isch nid, was im nu fäuht

Äs sind viellicht nur äs paar Wort

Ä guete Rat, äs bitzli Troscht

Ich wischä diär vu ganzem Härz

Nur ds Beschtä üf dim Läbenswäg

Näb Gsundheit und viel Läbesfreid

Ä hüüfä Glück und Zfriedäheit

Ich wischä diär ä feschtä Tritt

Fir`d Bärgä wo dü nu beschtiigsch

Wenn dü dr Gipfl dä erreichsch

Ä hüüfä Glück und Zfriedäheit

Fragsch dü ä mal ä altä Maa

Ob är diär ds Glück beschriebä cha

Seit är, äs isch nid immer z gliich

Nei ds Glück bestimmt jedä für sich

Drum isch mi Wunsch ganz eifach dass

Dü dini Träim erfüllä chasch

Ich wischä diär vu ganzem Härz

Nur ds Beschtä üf dim Läbenswäg

Näb Gsundheit und viel Läbesfreid

Ä hüüfä Glück und Zfriedäheit

Ich wischä diär ä feschtä Tritt

Fir`d Bärgä wo dü nu beschtiigsch

Wenn dü dr Gipfl dä erreichsch

Ä hüüfä Glück und Zfriedäheit