Fäderliecht

Fäder

Fäder

Fäderliecht

Es isch mau gsii

Soviu isch sicher

Dass i vergässe ha

U dr Räscht isch nüm so wichtig

Drum bini furt

U gliich no da

Büschele liisli mini Lieder

U du wirsch mi nid vermisse

Villech chumi hüt nid zue der

U gange mit dr Biise

 

U we des aus zäme

Nid glogen isch

När isch s de wenigschtens

Nid wahr

We d Sunne chunnt

När bini ume furt

Es het mi ufezoge

I bi gfloge

Fäderliecht

Uf u drvo

Uf u drvo

Mit em Ballon

 

I gseh mis Ättiland vo obe

Abr irgendwenn emaul luegeni

Vo ungen ah

Gseh scho dr Louch

Vo unge riife

U flüge mit em Rouch

Vo mire Pfiiffe

Bi wiene auti Schpinnhupele

U hange mit de Füess am Plafond

U d'Wäut isch haub so schwär

Wenn i abhebe mit em Ballon

 

Mis Hemmli isch

Us Luft, u Gras

U d'Schueh

Hani verchouft

I weiss i bine Schuft

I bi verduftet

Es het mi wiene Sandmaa verluftet

Fäderliecht

Uf u drvo

Uf u drvo

Mit em Ballon

 

I weiss es git e Himmu

U dä isch blau

U i disem schwäben i dervo

U i füehle mi so frei mit mir elei

U muess gliich

Obenabe cho

 

S'het nume Päpscht u Abschtinänzler

Bessermacher

Nume der Lieb Gott weiss vo nüt

Es isch nid wie bire Budefiir

Wo z'Änd geit

Sondern für die ganzi Unändlichkeit

 

U we des aus zäme

Nid glogen isch

När isch s de wenigschtens

Nid wahr

We d Sunne chunnt

När bini ume furt

Es het mi ufezoge

I bi gfloge

Fäderliecht

Uf u drvo

Uf u drvo

Mit em Ballon