E Tama

Papakotia te whenua kia whakatō ai ngā purapura a Rongo He kano whakatipu atua i heke nō Rangiātea Ko tāua tēnā e tama ka tiritiria te whenua Ko maninitua ki a koe ko maniniaro ki a au E huke e hika! Hukea ai te mata o te whenua E tama ki te whakarite tika tō māra Ko te ao e tama kai te kapu o ringa Māu rā e para tonu te ara tika Kia kite atu ai tō manawanui Ara mai rā ki te whakatinana I a Io I a Rongo Ko te ao e tama kai te kapu o ringa Whakapono tumanako me te aroha ngā kai hai whakatipu māra Rongopū Rongomau Rongoioio Ngā whakatinanatanga o Rongo e tama Kaua e whakamā kia paru ai ō ringaringa He tohu kē tēnā o ngā mahi atua Manaakitanga koia te ia o te Māoritanga He mana nui koe nā Rongo Ko te ao e tama kai te kapu o ringa Māu rā e para tonu te ara tika Kia kite atu ai tō manawanui Ara mai ra taku raukura Whakaiho i tō tū kaua e matakū ko koe te ata o ō tipuna Te whakatinanatanga o ō rātou wawata Ko te ao e tama kai te kapu o ringa Māu rā e para tonu (tonu) te ara tika Kia kite atu ai tō manawanui Ara mai ra taku raukura Ko te ao e tama (tama) kai te (kai te) kapu o ringa Māu rā e para tonu te ara tika Kia kite atu ai tō manawanui Ara mai ra ki te whakatinana (Hei ō) I a Io I a Rongo (Wū hū hū hū) Ko te ao e tama kai te kapu o ringa