Duje Vicchiarielli

'Na coppia 'e vicchiarielli mano e mmano

Sott'a nu cielo spuorco e senza luna

Stanno turnanno â casa chianu chiano

'A strada è scura e nun passa nisciuno

Ogge è nu juorno doce e ffurtunato

So' quarant'anne ca' se vonno bbene

Ca 'e core stanno ancora llà assettate

'Â primma classe 'ncoppa 'o stesso treno

'A vita ce n'ha fatto 'e cotte e ccrure

Ridenno sott' ‘e baffi da luntano

Ma 'sti dduje vicchiarielli int’ ‘e ppaure

S’ hanno tenuto sempe mano e mmano

Pecche' ll'ammore mette 'o ffuoco 'mpietto

Nun se fa viecchio e chiude ogni fferita

Arriva quanno meno te l'aspiett'

Ma quanno è ovèro resta tutt'a vita

Ogge è nu juorno doce e ffurtunato

So' quarant'anne ca' se vonno bbene

Ca 'e core stanno ancora llà assettate

'Â primma classe 'ncoppa 'o stesso treno

Pecché ll'ammore mette 'o ffuoco 'mpietto

Nun se fa viecchio e chiude ogni fferita

Arriva quanno meno te l'aspiett'

Ma quanno è ovèro resta tutt'a vita