Lyrics
ཕྱི་ནང་གི་རྟེན་འབྲེལ།
内外的缘起
ཚིག མཁན་པོ་ཆོས་ཐོ།
དབྱངས། འཇམ་དབྱངས།
ལེན་མཁན། ལྷ་སྐྱིད།
作词：曲陀堪布
作曲：嘉央
演唱：拉吉
ཡུལ་རི་ཆུ་ལུང་པ་ནགས་ཚལ་དང་སྤང་ལྗོངས།།
ཆག་བཞག་ན་རང་ཁྱིམ་དྲོན་མོ་འདིིའི་རང་བཞིན།།
ཕྱིའི་གད་སྙིགས་ཕུང་པོ་རང་དགར་དུ་མ་འདོར།།
ཁྱིམ་གྲུ་བཞི་མི་གཙང་ལྗན་ལྗིན་གྱིས་གང་ཡོང་།།
ཤིང་ལྗོན་པ་ཡིད་འོང་ལོ་འདབ་ཀྱི་ཕང་ཕོང་།།
ཆག་བཞག་ན་ལུས་ཀྱི་ཁྲག་རྩ་དང་རྒྱུས་པ།།
རྩྭ་རྩི་ཤིང་བཅད་ནས་འཁོར་ཡུག་ཀུན་མ་བརླགས།།
ལུས་ཡན་ལག་འཁུམ་སྟེ་ཞ་བོ་རུ་འགྱུར་འགྲོ།།
མཚོ་མཚེའུ་བཞུར་རྒྱུན་ཆུ་བོ་ཀུན་ཡོད་ཚད།།
ཆག་བཞག་ན་རང་ལུས་ཟུངས་ཁྲག་གི་དྭངས་མ།།
ཆུ་འབག་བཙོག་དྲི་མས་གཏོར་བརླག་ཏུ་མ་གཏོང་།།
ཁྲག་མི་སྙོམ་འཁྲུགས་པས་ནད་པ་རུ་ལོག་འགྲོ།།
ཕྱིའི་ཡུལ་ལྗོངས་ཡིད་འོང་འཇིག་རྟེན་གྱི་ཞིང་ཁམས།།
ཆག་བཞག་ན་རང་ལུས་འདོམ་གང་འདི་ངོ་མ།།
ཡུལ་ས་རྐོ་རྡོ་སློག་བྱ་བ་ལ་མ་ཞུགས།།
ལུས་ཤ་རུས་བཅད་ནས་རྨས་མ་རུ་འགྱུར་འགྲོ།།
ཕྱི་འཇིག་རྟེན་སྣོད་ཀྱི་འཁོར་ཡུག་གི་བཀོད་པ།།
ནང་རང་ལུས་འདི་ལ་ཆག་བཞག་གིས་དཔྱད་ནས།།
ཕྱིའི་འཕྲོད་བསྟེན་བཟང་པོའི་རྩ་བ་ཞིག་ཚུགས་ན།།
ནང་ལུས་ཕུང་བརྟན་པའི་གཞི་མ་རུ་འགྱུར་འོང་།།
歌词大意：
Written by: 嘉央, 曲陀堪布
