Rasenmäher

Samstag Fria und i bin längst wach

Schau kurz aufn Wecker, es is kurz vor hoibe Acht

Jetz aber schnell an Kaffee und dann weg

I gfrei mi scho auf des wos in meim Schuppen drinna steht

Die Kühlerhaubn glänzt wiara frisch geölter Blitz

Turbolader, Breitreifen und Recaro-Sitz

Ed-Hardy-Duftbeimerl, V8, diefaglegt

Der Bremsfallschirm is hinterm Mähwerk dran versteckt

Die Vorfreude is riesengroß, i lass die Kistn o

Mei Nachbarn san jetz wach, i woas wieso

I und mei Rasenmäher san die besten

Mia reitn durchn Garten wie im wilden Westen

Und kimmt der Sheriff daher und will mei TÜV-Plakettn sehn

Tipp i kurz aufs Gas und lassn stehn

Gehts um mein Rasenmäher bin i eitel

Vo meine Sicherheitsschua bis nauf zum Scheitel

I hob den heissesten Ofen und a jeder woas genau

Den best gepflegten Rasen in Troglau

Mei Nachbar schimpft, sei Morgenmantel zuckt

"A so a Sauerei, sag mal bist denn du verruckt?

Host du überhaupts a Ahnung, wos fürn Lärm die Schüssel macht?

Scher di runter von deim Hobl, aber flott, guade Nacht"

I schau eam noch, er schwanzelt so davo

Einglich hod er recht und i bin ja ned a so

I bin a Pazifist und i kann des a versteh

Doch beleidigt er mei Kistn, da hammer a Problem

Sei Goatntürl, des bremst mi kaum

Es fliang die Fetzen nur

I presch durch sein Salat

Und ruaf eam zua

I und mei Rasenmäher san die besten

Mia reitn durchn Garten wie im wilden Westen

Und kimmt der Sheriff daher und will mei TÜV-Plakettn sehn

Tipp i kurz aufs Gas und lassn stehn

Gehts um mein Rasenmäher, bin i eitel

Vo meine Sicherheitsschua bis nauf zum Scheitel

I hob den heissesten Ofen und a jeder woas genau

Den best gepflegten Rasen in Troglau

Neilich Ohmd, da is passiert

Die Vernunft hat mi verlassn

In voller Fahrt, es woa so sche

Schiaß i naus auf d´Straßn

Auf der Autobahn, bei hunderachzg

Da blitzt ein Starenkastl

Das Mähwerk grollt, der Mast fällt um

I werd a Vogelhaus draus basteln

I und mei Rasenmäher san die besten

Mia reitn durchn Garten wie im wilden Westen

Und kimmt der Sheriff daher und will mei TÜV-Plakettn sehn

Sorry, tut mir leid, i muss jetzt gehn

Gehts um mein Rasenmäher bin i eitel

Vo meine Sicherheitsschua bis nauf zum Scheitel

I hob den heissesten Ofen und a jeder woas genau

Den best gepflegten Rasen in Troglau

I und mei Rasenmäher san die besten

(Aufm Punkt genau 4 Zentimeter)

(Völlig akkurat)

Gehts um mein Rasenmäher bin i eitel

(Aufm Punkt genau 4 Zentimeter)

I hob den heissesten Ofen und a jeder woas genau

Den best gepflegten Rasen in Troglau