Maruzzella

Ué, chi sente?

E chi mo canta appriesso a me?

Ué, pe' tramente

S'affaccia 'a luna pe' vedé

Pe' tutta 'sta marina

Da Procida a Resina

Se dice: "Guarda là

'Na femmena che fa"

Maruzzella, Maruzzé

T'he miso dint'a l'uocchie 'o mare

E m'he miso 'npietto a me nu dispiacere

'Stu core me fai sbattere

Cchiù forte 'e l'onne quanno 'o cielo è scuro

Primma me dice sì e doce, doce me fai murì

Maruzzella, Maruzzé

Ué, chi m'aiuta?

Si tu nun viene a m'aiutà?

Ué, m'è venuta

Na voglia ardente 'e te vasà

E vienetenne, oj bella

E damme 'sta vucchella

Ca pe' m'avvelenà'

E zucchero se fa

Maruzzella, Maruzzé

T'he miso dint'a l'uocchie 'o mare

E m'he miso 'npietto a me nu dispiacere

'Stu core me fai sbattere

Cchiù forte 'e l'onne quanno 'o cielo è scuro

Primma me dice sì e doce, doce me fai murì

Maruzzella, Maruzzé

'Stu core me fai sbattere

Cchiù forte 'e l'onne quanno 'o cielo è scuro

Primma me dice sì e doce, doce me fai murì

Maruzzella, Maruzzé