Nheba

مكدبش عليكي تملي حزين وفقلبي ليكي وحشه

مابين سنين بعاد بيعدي وقت انا ببقا واحشك

مصنفتش غيابك كره ده كان محبه زايده

وانا عمر قلبي ما يلقا قلب يحبوو زي ده

قفلو الببان انا مش هبان لحد كره

زمنا ملمش غير اندال كل الصحاب تتكرف

الدنيا قاسيه مخلياني اسب الف ملة

ازاي هحب واحده عايشه ف تربه وطالبه مني فيلا

قال لما اروح اقول بحب تقول خد بعضك وامشي

مناديلك منشفتش دي ياما جرحت ف وشي

كنتي زي الام .. بقيتي كابوس يغم

هيجي عليكي الليل ببردو ومش هتلاقي حضن يضم

غوري ... كلو خبه كرهو وحبو بينهولي

حبايبي رقدولي ..كل صحابي سأمولي

كان بينا حب ولمه .. حتى الاسلوب شفوه

كان بينا عيش وملح وتقريبا نسيوه

استنقصت عليا استخلصت مع كلوو الا انا :')

" رفضت امثل بس عشان دور البطولة اتلعب "

دموعك تعب :)

عشان شايفها ليك قريبه ..

غريبه !!

سرقو قلبي مني " نهيبه "

ف وسط شعب تايه .. بلف كعب داير

مش كاره انا صح دايب ... جوا عنيكي البحر عايم

قد منتي .. ادمنتي البعد انا كنت حابك

يوم ما جمعتي حزنك تربطيه انا كنت حبلك

يا محلا ... عشره تهون وبعد كده تدبحنا

طب ما احنا ... روحنا للحب وعارفينو سحله

الحبيب ده غاب محنش .. الزمن ده داس محلش

خد عندك دي المفاجأة ..." الجرح بتاع زمان ملمش "

متحبش بكره تندم ..

متسبش عشان هتحن تنده

متفوقفش غيب وارجع احلم ...

متقولش هقوم ل تقع تزعل

متموتش في ناس عاوزاك ما بينا ...

متصونش لحد وبكره تسبق ...

ميأتمنوش ده كلو بيسرق..

مبقولش اجابه ف كلو يسأل

مرايا البيت مورياني كسرة جوة عيوني

مبتبنيش بيرمموني

كام حبيب قال كان دليل ومنوروش دول ضلموني مغنوليش دول دندنولي .. مطبطبوش دول دمدموني