愛你入骨

為著伊無惜名聲，甘願賭生命，明知伊是有刺玫瑰，

含毒的花蕊，堂堂男兒拼生死，為情失理智，

癡情的愛，癡情的愛，癡情的愛無管一切，真心的對待。

彼一暝青紅燈下，初次來熟識，黑色目睭含帶憂愁，

引阮心癡愛，對阮表明為環境，被人來所害，

癡情的愛，癡情的愛，癡情的愛犧牲一切，救伊出苦海。

男性的英雄骨氣，勇敢來求愛，強強忍受環境打擊，

不願訴悲哀，伸手挑戰破阻礙，失敗擱再來，

癡情的愛，癡情的愛，癡情的愛引阮提出，男性的氣概。