Heng Cai Meng

遇靚女真啱我駛 恨佢魔鬼嘅三圍

就算追到想結婚 話要擺酒百幾圍

為了娶得美妻 我願做奴隸 但冇錢銀擘面咁滯

岳母一雙眼睛 眼內是錢幣 罵我衰仔咪想泵雞

今天錢與銀 大家都說最實際 若冇錢銀嗰個樣似烏龜

總之想發威 一於等到我旺季 橫財夢定能實現 解決問題

為了打工邊有計 做到趴低似水泥

望下BOSS嗰個樣 面口黑黑似鍾馗

為了搵餐晏仔 卻願做奴隸 下氣吞聲我心翳滯

做到手腫腳跛 夾虐待腸胃 望有一天我可發威

今天錢與銀 大家都說最實際 若冇錢銀嗰個樣似烏龜

總之想發威 一於等到我旺季 橫財夢定能實現 解決問題

若我一天可發威 盡把冤鬱氣出齊

若我一天執過位 運氣速速快啲嚟

做過出好戲睇 我立下宏誓 讓世間都變得美麗

運氣終於發揮 我後勁凌厲 讓我威威到天腳底

今天錢與銀 大家都說最實際 若冇錢銀嗰個樣似烏龜

總之想發威 一於等到我旺季 橫財夢定能實現 解決問題