Auf und davo

I sitz aloa am Stoa und dram vo dir die ganze Nacht

Hoiz vergliaht orange, dann weiß, dann furt

I kannt da ned song, wia lang i hock und schau und nix versteh

Wos Hoiz higeht

Grod no do und doch scho weg, varreck

Wiaras Hoiz verbrennt, verschwindt

So bin am End a i dahi

Wei moing in da Friah

Bin i auf und davo

Und wos bleibt vo mir, hod nix zum doa mit dem, wos i bin

Wei ois, wos bleibt vo mir, verblost da Wind

I sitz aloa am Boch und i schau nei, den ganzn Dog

Welln, se stengan do und bleim schier gleich

I kannt da ned song, wia lang i hock und schau und nix versteh

Wias Wasser geht

Weich und gleich und immer wieder nei

Wiaras Wasser rennt und bleibt

Gehts mir, wei i bin niamois gleich

Und moing in da Friah

Bin i auf und davo

Und wos vor dir steht, hod nix zum doa mit dem, wos i bin

A Mensch, der lebt, den Rest verblost da Wind

A Mensch, der lebt und den a 's Wasser mitnimmt

A Mensch, der lebt, den Rest verblost da Wind