剪刀石頭紙

細漢時的笑聲　遐爾呀古錐閣活潑

 當時的囡仔伴　這馬毋知咧創啥

 已經做人爸爸媽媽　抑是環遊世界做大事業

 上驚是佇咧社會新聞看到熟似的名

 人生只有行這逝　毋通過無彩的生活

 剪刀石頭紙　這回你想欲出啥

 剪刀石頭紙　有出才有機會贏

 煩惱用剪刀來剪　捏著拳頭繼續拼

 美夢是一張空白紙　精彩故事靠家己寫

 少年綴人向前行　唱著我啥物攏毋驚

 出社會才知影　愛驚的閣規卡車

 厝內底的爸爸媽媽阿公阿嬤　恁的叮嚀教示阮攏有聽

 等我成功轉來去故鄉　換我予恁好命

 人生只有行這逝　毋通過無彩的生活

 剪刀石頭紙　這回你想欲出啥

 剪刀石頭紙　有出才有機會贏

 煩惱用剪刀來剪　捏著拳頭繼續拼

 美夢是一張空白紙　精彩故事靠家己寫（我家己寫）