十七號公路

昨暝的彼場雨 沃過凌亂的前途

夢中的彼個人 引阮思念的跤步

一首情歌 一句愛慕 攏是我 想你的速度

離別的彼一幕 依依難捨的當初

夢中的彼條河 敢是猶原遐爾濁

一跤行李 一條馬路 Take Me Home, Country Road

青春走江湖 十七號公路 世事恩恩怨怨 敢講咱袂覺悟

人生歹摧撨 人情遐爾薄 只有互相照顧 咱做伙拍拚 好否

昨暝的彼場雨 沃過凌亂的前途

夢中的彼個人 引阮思念的跤步

一跤行李 一條馬路 Take Me Home, Country Road

青春嘆糊塗 十七號公路 世事起起落落 莫講咱攏無覺悟

相思等圍爐 秋分趕白露 只要互相倚靠 咱做伙拍拚 好否

相思等圍爐 秋分趕白露 我會永遠愛你 請你閣愛我 好否

好毋好