Aap khade ho chauraahe par,
Hoke paseene se tar batar
Aur bas ka kiraaya hai 100 rupaya
Aur jeb mein tumhaaree hain pachhatar
Phir 5 rupe kee chaay pikar
30 ka chal pado paidal
30 ka chal pado paidal
Phir jo bhee milee usse kaho
O bhaaee aayi lav tu travel
Ek baar kee baath hai -
Dhoop mein chalta main, khud ko hee khalataa main, thak haar kar kaheen se nikalataa main
Kya bataaoon mere yaar bahut,laachaar bahut
Tha bhaar bahut mere kandhe pe,(mere kandhe pe)
De de ke mauqe maine khaae bade dhokhe
Aur saba kuch kho ke nahin raha tha bharosa kisi bande pe.
(kisi bande pe)
Thak haar kar,jhak maar kar baith gaya main
Sadak kinaare buudhe se bargad ke chhaanv tale
Muje yaad ho aaye vo bachapan ke jhule, vo din saare bhuule
Aur muskuraakar chadh gaya uski daal pe phir bhee
Raha main uske paanv tale, haan paanv tale
Vahaan saans lete hue maine dekha har taraf
Bhool gaya main saba aur dhyaan gaya mera
Vaheen saamane daal pe baahen daal ke bargad kee khaal pe chipki huee thi
Ek choti see, nanhee see, pyaaree see ek gilahari
Uski punch ke waalon pe pad rahee thi patton se chhanakar,
Aur bhee thanakar itar itar kar chhitar chhittar kar dhoop sunharee
Main daal pe let gaya aur dekha
Baadal ban ke paagal mujko dekh rahe the bhaiya
Aur dekh rahe the idhar udhar se
Koyal couvve, khatichida, bulbul camedi aur goreyya
Aur lagaa muje ke itana kuch to hai khush hone ko.
Are itana kuch to hai khush hone ko.
Are itana kuch to hai abhee khone ko
Itana kuch to hai khush hone ko
Abhee sahee salaamat paanv hain, bharte abhee bhee ghaav hain,
Karte abhee bhee chaav hain buudhe buzarug mere
Abhee bhee kabhi kabhi hee sahee mil jaataa hai doodh dahi,
Pet aadha bharaa hee sahee kaheen bhukhe pade to nahin hain.
Abhee poore kapade hain, tan pe jakade hain,
Lafde hain jitne bhee mujse bade to nahin hain.
Abhee kute aavaara, samajh ke ishaara, paas aa jaathe hain punch hilaate hain
Aankhon mein jhaank ke paas baith jaathe hain
Pherata hoon sir pe haath main karthaa hoon baath main
Kaise halaat mein, main hoon jaan jaathe hain
Abhee rundha hai galaa, letaa hoon main ga,
Kushi ka nahin to koyi geet gamabhra aur bahal jaataa hoon
Abhee chhod ke saare taam jhaam,
Main dekh ke koyi shaam dhaltee, jalthee, daphtar se nikal kar main to tahal aathaa hoon .
Dekhtaa hoon aasamaan ka rang naarangi,
Besangi hai jitni bhee duniyaa, lagtee hai phir bhee mast malangi
Aur sochtha hoon main
Itana kuch to hai khush hone ko.
Are itana kuch to hai abhee khone ko.
Itana kuch to hai abhee hone ko.
Are itana kuch to hai khush hone ko
