数波波

嗱 朋友 乜嘢叫做波呢 波有好多種 你聽住啦 我咪埋雙眼數波波 如要數齊有千萬個 波就即係球 球就即係波 總之好多波波 嗱 咪話圓形啲波就任你摸 有時你摸下會犯差錯㗎 排球籃球可以任你摸 足球一摸啊 十二碼都有份啊 有啲波郁下見閻羅 睇落個形構哇似個大菠籮 咪話見波就摸 啊 菠籮即係炸彈 一摸哼好容易報到㗎 有種波勁過上海婆 攬爆砸傷哇嚇到你傻 呢一種就叫做欖球 美國叫做football 無咁上下大隻就唔好逗啊 嗱 一年到晚就唧波波 成晚唧埋有幾萬個 呢一種就叫做魚蛋 鬼佬叫做fishball 係用九棍魚來打嘅 哇 迷魂秋波甚惹火 係美人獨有嘅絕招貨 呢一啲叫做拋媚眼 即係無形波 迷死好多男人㗎 有點波需要計幾何 博命狂隊正一大泡和 呢啲叫做台波 即係士碌架 大力咁隊 盞搓箍 又有種波 用棒一鋤 吼正嗰窿至慢慢鋤 呢啲叫做高爾夫球 即係身份嘅象徵 唔容易打㗎 嘩 有點毛鬙鬙疏疏地嘅又叫波 我兩頭摸過哇又係堅㗎喎 你哋唔好心邪啊 呢啲叫做羽毛球 雖然得幾條毛毛都夠彈力㗎 一男一女去打波波 成晚打完隻手會累㗎喎 呢啲叫做保齡球 好重㗎嘛 成晚咁打梗手軟啦 有啲波 喺肚內陀 三號懸掛要買定薑磨 有身己即係扯風波 扯風波即係肚大咗 有咁多波 講到我都傻 有數錯我都無奈何