Meier & Wimmer

Da Meier und da Wimmer

Da Meier hot an Dreier und da Wimmer hot an Simmer

Da Meier werd ned gscheida und da Wimmer is da dimmer

(Sim simma who got the keys to my bimma)

Da Meier und der Wimmer

(A bissl wos geht imma)

Da Meier hot an Dreier und da Wimmer hot an Simmer

Da Meier bringt nix weida und da Wimmer is no schlimmer

(Sim simma who got the keys to my bimma)

Da Wimmer fahrt an Simmer, vierzehn Hoibe hot a drinna

Er ko ned mehra dringa denn moing bringt er seine Kinder

Zur Oma nauf noch Minga und do muas da Pegel stimma

Aiso zoit a gschwind sei Zech und hockt se in sein Bimma

Da Radio geht o und es lafft da Zipfeschwinga

Da Wimmer draht sei Anlag auf und peitscht de Zwölfzylinder

Auf oamoi leit sei Telefon, sei Gschpusi Meier Linda moint ihr

Oida war beim Karteln und de ganze Nocht verhindert

Da Wimmer in seim Simmer schaut no imma auf sei iPhone

Auf oamoi duats an Duscha denn er is irgendwo nei gfohrn

D'Windschutzscheibn is eigschlogn

Hagodd-za! da Leihwogn

Da Simmer fangt zum Brutzeln o wiad Krusten vo am Schweinsbron

Da Zwölfzylinder brennt wos da Wimmer glei erkennt

Denn jetz gehts um sei Lebn aber d Fahrertür de klemmt

Er krackselt übers Schiebedoch und brunzt in des Inferno

Da Wimmer schaut se d Stern o und grunzt wia aufm Herrnklo

A Liter oder zwoa heifan do ned wirklich weida

Die Funken spritzen meterhoch, da Jagerzaun fongt Feier

Da Wimmer nimmt des easy und lacht über des Unglück

Er hoit ois richtig gmacht, er steht bei da Linda aufm Grundstück

Da Meier und da Wimmer

(A bissl wos geht imma)

Da Meier hot an Dreier und da Wimmer hot an Simmer

Da Meier werd ned gscheida und Wimmer is da dimmer

(Sim simma who got the keys to my bimmer)

Da Meier und da Wimmer

(A bissl wos geht imma)

Da Meier hot an Dreier und da Wimmer hot an Simmer

Da Meier bringt nix weida und da Wimmer is no schlimmer

(Sim simma who got the keys to my bimmer)

Da Meier bringt nix weida weil er hot an sauban Seier

Er heart fria auf zum Kartln weil sunst moant a werds eam z deia

As ganze Geid vapreit aiso steigt a in sein Dreier

In da oana Händ de Kippen und de andere am Steier

Mit hundert in da Vorstadt-Kurven suacht a noch am Feia

Sei Dreier kimmt ins Schleidern denn der is nimma da neia

Er priegelt ins Bankett nei und kos nimma da steian

Da Dreier überschlogt se und da Meier land im Weiher

Es hotn aufgsteit, dassd sogst mit da Schaufe zeits ned

Er ziagt sei Hosn aus und schleicht se nackert übern Feidweg

Er vosteht die Weid ned, wos mocht'n do der Wimmer

Steht broadhaxad am Autodoch und pieselt auf sein Simmer

Da oane is on Fire und da anda is am Ziedan

Beide miasns Reihern aber mächatn a Zigarrn

Hä Oide, geh moi aussa do und schau hoit ned so zwieda

Sogt do Meier zu der Seinigen

(Geh, bringst uns a Cohiba)

Do Wimmer kons ned glaubn dos da Meier scho dahoam is

Und frogtn unverbindlich: "Sog moi, is dei Oide hoacklig?"

D'Linda hot des g'hert und frogt'n Oiden nochm Dreier

Da Meier ned da Gescheida sogt da Dreier liegt im Weiher

Da Meier und da Wimmer

(A bissl wos geht imma)

Da Meier hot koan Dreier und da Wimmer hot koan Simmer

Da Dreier liegt im Weiher und da Simmer brennt no imma

(Sim simma who got the keys to my bimmer)

Da Meier und da Wimmer

(A bissl wos geht imma)

Da Meier hot koan Dreier und da Wimmer hot koan Simmer

Da Dreier liegt im Weiher und da Simmer brennt no imma