All Wi Doin' Is Defendin

War, war

Mi seh listen oppressin’ man

Hear what I say if yuh can

Wi have a previous blow fi blow

Wi will fight yuh in de street wid wi hands

Wi have a plan

Suh listen, man

Get ready fi tek some blows

Those days of de truncheon

An’ those nights of melancholy locked in a cell

Those hours of torture touchin’ hell

Those blows dat caused my heart to swell

Were well

Numbered

And are now

At an end

All wi doin' is defendin’

So get ready fi war, war

Freedom is a very firm thing

All oppression can do is bring

Passion to di heights of eruption

An’ songs of fire wi will sing

No, no, no run

Yuh did sound yuh siren an’ is war now

War, war, war

Special Patrol will fall

Like a wall force down

Or a town turn to dust

Even doh’ dem think dem bold

Wi know dem cold like ice wid fear

An wi is fiyah

Choose yuh weapon dem quick

All wi need is bokles an’ bricks an’ sticks

Wi have fist

Wi have feet

Wi carry dynamite in wi teet

Send fi de riot squad quick

‘Cause wi runnin’ wild

Bitter like bile

Blood will guide their way

An’ I say

All wi doin' is defendin’

Suh get yuh ready fi war, war

Freedom is a very firm thing