Fortsetzung folgt...

Hätt sich als kleine Jung jefrooch, wat wohl passiert

Dann, wenn die Handlung stopp, als ob se wer enfriert

Un ob sing Comichelde, wigg vüürm Happy End

Och wirklich waade, bess e' nähxte Woch jespannt zem Büüdche rennt

Sing Jrosche hinläät, Tarzan säät un dann

Opwach em Dschungel, trotz Rotznaas als Mann

Wo Joode met wieße Hööt, Schlääschte enn Schwazz

Weil er’t andersröm noch nit versteht

Eez op der Liem jonn un spääder besieje

Doch eh dat endlich passiert, steht do

Fortsetzung folgt

Ejal, wie schnell singe Puls och schläät

Für dä kleine Sparjeltarzan

Ess ein Woch Showdown en Ewigkeit

Bess nähxte Woch

Ejal, wie schnell singe Puls och schläät

Immer dann, wenn et spannend weed

Fortsetzung folgt

Die sibbe Meere samp Pirate fess em Jriff

Quer durch all Kontinente, em Jeep, em Wüstenscheff

Met Zeppeline un em U-Boot, wenn't sinn moht

Sujar met Kavallerie, wenn widder 'ns irjendene Fiesling Jane bedroht

Tarzan un er kannte sämpliche Tricks

Durch dausend Heffjer nur Siejer, sons nix

Doch he om Arbeitsamp, he op däm Flur

Op däm er Woch für Woch steht

Bestellt un nit affjehollt, kennt er jed Woot schon

Dat dä dodrin ihm jlisch säät

Bess nähxte Woch

Ejal, wie schnell singe Puls och schläät

Wie unerträglich die Spannung weed

Ein Woch Showdown es en Ewigkeit

Fortsetzung folgt

Ejal, wie schnell singe Puls och schläät

Ejal, wie lang e' em Rään römsteht

Bess nähxte Woch

Fortsetzung folgt

Fortsetzung folgt

Ejal, wie schnell singe Puls och schläät

Wie unerträglich die Spannung weed

Ein Woch Showdown es en Ewigkeit

Fortsetzung folgt

Ejal, wie schnell singe Puls och schläät

Ejal, wie lang e' em Rään römsteht

Fortsetzung folgt

Fortsetzung folgt

Ejal, wie schnell singe Puls och schläät

Ejal, wie lang e' em Rään römsteht