Vater vo 3

Die ziite sind verbi wo ich uf strasse hänge

Nur für e Rundfahrt mitem Benz wenni dur d'Strasse länke

Und mir so dänke wi wiit hets de Shipi anebracht Gras verpackt

Hüt packi Znünis fürd Kidzi i

Isch anderscht halt

Aber besser brudi

Den Veratwortig isch öpis schönes

De gliche Topf nur er isch voller ja drum schöpfi grösser

Dank am Schöper für en

gsunde reine körper usem dunkle eili dwunde heili

Hundert meile spöter

Ich Ha vieles hinter mier vom Strassepenner bis zum Musik Business

Zeig mim grosse all das gold er findets cool und fiirt mi

Verlang nöd viel vo ihne nur es bizli kultiviert si

Wott nöd dass sie Rapper werdet doch hoff es motiviert sie

Alles da z'ereiche was sie i ihrem chopf mal gsetz hend

sind froh wachseder imene land uf wos gsetz hed

Und ihr nöd angscht ha müend wie Grosspapi als Gaschtarbeiter

und nöd müend unter Trümmer schlafe wie de Gaza Streife

Und drum

Mach dua für all unschidige gfallene Mensche Sohn

Und lueg alli glich ah seg was bedütet e grenze scho

S dänke grenzelos

Die Galaxie sind zum griffe nah

hol der s'Paradis wo du uf Bilder malsch

Ich het niemals dänk das ich min Fride find

und mal bade in glück

de tag isch da gottes plan womi füert

Chume usem schatte vo nüt

Hüt bini vater vo drü

Ha jetz scho 3 Kids homie nüt giz

wo das übertrift und der das Gfühl git das es Glück git

Ich ha nur chli meh welle und ha alles becho

Hüt verstahni endlich was es heisst en vater z'sie bro

Eue Daddy hets nöd eifach kah

eines Nachts isch mis mami weg sie nimmt de eifachi weg - Eibahnstrass

Doch wenn eu s'Mami s'Bett macht isches wie uf Wulche Jungs

Chan hundert Narbe ha doch glaubet mer ihr sind min wunde Punkt

Damlas min Kontostand minusgrade immer nur unter null

Hüt isch de Tisch deckt voller Farbe alles kunterbunt

Vom Untergrund Wien ma für alles grad stah alter

Lieber dumm fröge homie als blöd dastah nacher

Und vergesset nöd den eu stönd alli Möglichkeite offe

Spedet mal öppis denn nöd nur schöni Wörtet heilet Opfer

Dänket grösser mini Söhn de Schöpfer öffnet einisch d'Pforte

Ich hoff mir gsehd eus alli dobe

Inshallah

Mach dua für all unschidige gfallene Mensche Sohn

Und lueg alli glich ah seg was bedütet e grenze scho

S dänke grenzelos

Die Galaxie sind zum griffe nah

hol der s'Paradis wo du uf Bilder malsch

Ich het niemals dänk das ich min Fride find

und mal bade in glück

de tag isch da gottes plan womi füert

Chume usem schatte vo nüt

Hüt bini vater vo drü