Grosse

Ich bi ko us dr GROSSE Kli-Stadt

us dr Gosse dört bim Rhypark!

Dasch kei Kleinigkeit, weme dört nit dripasst.

Gschockt vo Hip Hop, wo nit stoppt in de Blocks,

bin i scho in däm Spot, wo dir Hoffnig entlockt.

Us nüt wird Alles.

Gwüssi Lüt, die schnalle's.

Seh's Gebilde mit em grosse K

Kumm, mir überfalle's!

Klei und unbedütend

entstoht dehai us nüt e

Rhyme, wo sich denn hütet

und sich zeigt, falls är das Glück het

und entdeckt wird für die grossi Bühni.

Doch uf gwüssi Lüt, zue dene ich damals ufegluegt ha,

loos i nümi! Us (Fertig!)

klei wird gross, wenn di dehai vrlooosch,

sailsch di geischtig los, entdecksch di eigni Sprooch

us Hyroglyphe und de Schrifte, nit numme us e Ägypte

metaphysisch am abdrifte, d'Hypophyse isch am Spitte:

hormonell e Fabrik, vo gigantischem Usmass

potentiell, doch dasch nit das, was mi usmacht.

Kliini Chance, grossi Träum,

grossi Sehnsucht.

Alles isch so gross und neu!

Traditione, die stellt me in Frog

und wenns nit klappt, denne

stellt me sich doot...

Chli unbedütend

Chli unde hütte

Chli humpelnd hüpfend

Chli Grund zum Sch(t)ütze

Chli Grund zum Rütle

An de Türe vo de Grosse

machsch du alles drfür, dass sie uf di loose.

Und wil dr finanziell jegliches Mittel fählt,

kämpfsch du di uffe bis ins ewige Mittelfäld.

Numme dört willsch nit bliibe. Nai!

Drum dörfsch du nit schwiige. Elai

im hektische Haifischbecki

hesch vil ghört vo Intriige.

Kai Schranke und kai Macht uf dere Wält ka di brämse

dini Gedanke in dr Nacht, die schtosse sälte an e Gränze

denn 'Sky's the limmit!' Nai, dasch kei Gimmick!

Und im Ikarus si Schiksal

isch schlicht nit di Beschtimmig

Kliini Chance, grossi Träum,

grossi Sehnsucht.

Alles isch so gross und neu!

Traditione, die stellt me in Frog

und wenns nit klappt, denne

stellt me sich doot...

Sehsch du die grosse Sache im Kliine und umgekehrt?

Wil vili, wo Grosses mache bliibe lieber unbemerkt.

Wil grossi Ufmerksamkeit macht nit glücklicher

Jo, sicher du weisch's, doch willsch Fame. Was bedüdet'r?

Me kennt di. Bisch trendy für Fremdi und Insider.

Nummen inside isch insgheim kei Sinn - leider!

Es fokussiere die meischte numme uf gross und schtark.

Das heisst, muesch was leischte, suscht gosch nit ab.

Also höher, besser, stärker, doch untrdesse merke

au die, wo damals gmeint und gsait hän, s‘sig so, es git Ärger.

Denn dr Druck stigt immäns mit deren Erwartigshaltig.

Bisch igschränkt, wenn'd so dänksch

und zwar sehr stark bis gwaltig.

Monumental, voluminös

sin ume Vokable, won'i mi löös drvo.

Sich uf's Wachse beschränke

macht's nit grösser so.

Ich ha mr e Blösi gä

ich ha mr die Blösi gno

und schrei zum Himmel uffe:

Bro! Erlös mi scho!

Kliini Chance, grossi Träum,

grossi Sehnsucht.

Alles isch so gross und neu!

Traditione, die stellt me in Frog

und wenns nit klappt, denne

stellt me sich doot...