Lassalle Strossn

Frisch wors, da Wind hod blosn

Brennt wie Krenn in da Nosn

Wir zwa san gaungen Lassalle Strossn

Es gabat a Wohnung für uns hods ghaßn

Vom Preis her kennts passn

Oida Zins, guad in Schuß, vielleicht haumma a Maßn

Na, wos zohlts? Summa summarum?

Ois in oin an Siebener worm

Bis jetzt wor drin a oida Maun

Hods ala nimma auf die Reih kriegt

Überlegt, ob a in a Heim ziagt

Möbel und sei gaunzes Zeig wü a drinlossn

Fürn Fall, der Fälle losst a si s offn

Owa gaunz ehrlich, so wie der beinaund is

Glaub i ned dass der no amoi umziagt

Na, hoffmas, dass wos wird

Sunst haumma in aufdrahdn

Host da scho amoi angschaut

Wos valaungen momentan

Die Waunsinnign, san jo olle aughaut

Aunders gibts des ned

Gemeindebau kemma si a am Bauch haun

Weil ma ned laung gnua auf aner Adress angmöd worn

Geh, ois probiert stundenlaung telefoniert mit dem Hawakuk

„Es tut uns sehr lad“, hod a gmahnt

„Do kemma leider nix mochn

Wos glaubens, wievü Leid bei uns einekrochn in da Wochn?

Olle sudans und raunzns, bla, bla, mir stehts bis do oben

Oba i vasprich erna wir mödn sie waunn ma wos hobn“

Nix gibts und des wos gibt is z teuer

Hauptsoch die Mieten wern no teurer heuer

Du i muaß jetzt weida

Griaß ma in Hömal, er soll si amoi mödn

I hob no an Schal von erm

Vielleicht baucht an bei der Ködn