Hey gidî dinyayê
Dinya bi xweşî û bi zilm!
Ma qey tu têra însana nakî?
Te însanên xweş û delal çêkir û afirandiye
Bo çi çavê însanan bar û têr nabe?
Geh li ser te xweş dikin
Û geh dûman û ewrê reş û tarî bi ser te de dibarînin
Hevdû diqelînin
Hey gidî însan!
Bo çi çavê te têr û bar nabe?
Ma rûkê dinyayê têra te nake?
Pêr li Nagasakî, Hiroşîma
Duh li Vîetnamê
Û îro li Kurdistanê
Ma Helebce hindik e?
Sal 1988, meha Adarê
Gulê Newrozê dîsa dipişkivîn
Ewrên reş û tarî bi ser Newroza da hatin
Be kêf û şâhî, bê xweşî
Newroza disa serê xwe xar kirin
Û tovê xwe berra binê erdê dan
Ji bo carek din şîn werin
Wey lo lo
Wey lo lo
Lo wey lo lo
Ezê daketim kel û kaşxanan
Ezê daketim serê birc û van dîwaran
Ezê bi ser kela dilê xwe de mijûl bûm
Dîsa ji xeman û kulan û derdan birîn in
Ax de wey lo lo
Lo wey lo lo
Lo wey lo lo
Dîsa bombe û baran e
Her derê girtî mij û dûman e
Dîsa nalenala birîndaran e
Dengê dayika tê li ser lorîkê wan e
Bavik bi keder xwe davêje ser zarokan e
Lê zarok mane bê nefes, bê ruh û bê can e
Ax birîndar im, wey lo lo wey lo
Hey lê lê
Wey lê lê
Ferman e ûy
Hawar, hawar, hawar, hawar
Dîsa li me ferman e
Li jor tête giregir û humehuma bafirok û têyaran e
Her der xistiye nava agir û mij û dûman e
Li jêr tête qîreqîra zarokan, hawara dayik û bavan e
Dîsa dîrok xwe nû ve dike weke carek dinê ji caran e
Weke Dîyarbekir, weke Palo û Gênc û Agirî, Dêrsim, weke Mahabat û weke Berzan e
Îro dîsa li Deşta Silêmaniyê, li kêleka Hendirê, li bajarê helebcê
Fermana me Kurdan e, ferman e, ferman e
Ferman e, ferman e, ferman e, ferman e, ferman e
Dîsa hatin qelandin zarok û zêç, tev dayik û bavan e
Ax hawar, hawar, hawar
Hawar, hawar, hawar
Li me ferman e, ferman e, li min ay ay ay ay
Ax de ay ay ay ay birîndarê we me ay ay li mino
Erê, hey lê lê lê lê lê
Erê hey lo lo lo hey lo
Lo hey lo lo hey lo lo wey lo
Hawar Kurdno, hunê bikin, bilezînin
Hunê kaxiz û pênûsekê bibînin, binivsînin
Dinya alemê pê bihesînin
Serok û rêberên Kurda li hev bînin
Bila bi yek bin ji halê me re tiştekî ji dinyayê re binivsînin
Bila xelk û alema pê bihesînin
Daku çarekê ji halê me Kurda re bibînin
Me ji bin vê bindestiyê derînin
Hawar, hawar, hawar, hawar, hawar
Heyfa Kurdistan ku îro dişewitînin
Agir li serê me Kurda dibarînin
Ax de ay ay wey lo lo
Ax de li min
De li min ax, birîndarê we me, ax ax
