Je Suis Amazigh

سميهم حشرة عاشو بين ربعة دلحيوط حياتهم بحال شي عنكبوتة حاصلة بين لخيوط عارف راسو ماقادرش يعيش بحال الناس عارف عينو ناشفة وبالو عليها عساس قلنا جو سوي شارلي ومارديناش البال مغربي ناسي بلي خوه كيموت فوق الجبال اجي معايا تشوف دموع الحكرة نازلة اجي معايا تشوف قلوب الناس فين حاصلة كاتجيني البكية بسباب هاد لوقت الخايبة ملي كانشوف عائلتي وسط الغابة مسيبة كل ليلة عايشة بين لحجر مخلوعة عايش باكي وسط الحرية المقموعة عطيني حقي فلا ليبيرتي را صافي مليت ماباغيش فارينة وجوج قراعي ديال زيت بنادم غير باش يجيب لما كيسافر مسافة خبيتو الحقيقة باسم الثورات والثقافة شكون لي قال، بلي دموع ناس بكاو دموع ناس شكاو، عايش مضيوم عايش مهموم، وسط حزان وعايش مصدوم ربي يكون فهوان لي مظلوم، لي مظلوم ماعرفتش علاش بلادي جمرة فوق لساني بالزرواطة حفضت النشيد الوطني لمخير فينا غي على ود بلادو كيتجر امرحبا بيك الموت مابقا عندي مانخسر ربي عالم على هاد ناس كيف صابرة البرد والجوع والدنيا فيهم ضابرة دموع الانسانية فوسط الغابة كاتبكي مازال عندنا عائلات فلخلا كاتشكي ماباغيش نقول شكون فينا المسؤول بنادم ساكن تحت لكراطن مشلول ماباغيش نشوف خويا عايش مدلول جالس وسط القهرة باب الموت محلول ماكرهوش تاهوما يعيشو حياة جديدة بغاو يقراو ساعة المدرسة بعيدة معرفت علاش المشاكل فينا كاتزوي عطيني غي حسابي لي كانسال غا نخوي شكون لي قال، بلي دموع ناس بكاو دموع ناس شكاو، عايش مضيوم عايش مهموم، وسط حزان وعايش مصدوم ربي يكون فهوان لي مظلوم، لي مظلوم شكون لي قال، بلي دموع ناس بكاو دموع ناس شكاو، عايش مضيوم عايش مهموم، وسط حزان وعايش مصدوم ربي يكون فهوان لي مظلوم، لي مظلوم